Mata Ganang Group

KOLOK Balong jenang mu pe yandi Rabatang lanang satekal Balong tu tulang no bosan No bosan tulang ling mata Kolok mara kapas jawa Nan rua belo ku totang Ate ku notang no putes Mara tali tu saruku No gampang bau kabolat No gampang ate kakendung Ko yandi tu alis ate Ku tari rela jangka to Sendang mo le ku batari Ngaro mo nempas beling no Nyaman ku pirek lako len

NONDA INA Ta si lowe anak ina Ngare leng lembang tu tingi Nonda ne beling we nanta Sakit lampa nonda ina Tu kaseang mara rembin Tu dadi mega ngantung si Konang ina ku ke ada Lema ku mara ne peno Ta pola pamendi tau Mara bulan gama ina Kamate telas kabali Kowat tulung aku miker Kalis petang lako ano No soda dua pangeneng Era tu kompal gama na We..ina

PANTO RARA Lamin panulang ne peno Aku mo tu nyaman ate Ma manang le panto rara Ngineng rena melasakan Melasakan tau peno Ada si dengan pina ne Pang aku dua ke leno Tampo bae si leng susa Susa bagulung manra ba Salingong mata ku nulang Jarang ne peno to piker Ku keme lamin bagian Bagian lampa pang aku Manra umak tampo limung Kalisu sajan do tokal Ne peno na gama nuret

BADA GAMA TU NO RELA Dalap let no dadi piker Ku bantal ila parana Mate kalembu kuda po Kalembu tubu dalam let Tangko rungan ku leng umak Marentung antat ko tampar Bada Gama tu no rela Katingka datang buya ku Samin mo tampar ke limung Samin rungan siya kaka Nongka ku sangka sayate Kalalo no monda sengo No monda sengo ku menong Leno no monda ku gita Apa de pina su ate

PERAM PANOTANG Ta ku bilen mu andi e Sendi mara ujan rimin Bito ate no basenda Ado nanta ate ku ta Ano penri mo leng petang Angan lalo mo ko andi Muntu ku angan mo andi Tenri diri ai mata Ku totang pola biasa Berat ku peram panotang Ku tokal renduk basungu Narang le muris parana Parana ngasi no nyata Dalam angan saling totang Puti mega saling pendi

SIPAT NENE Mustahil nonda rena ada Tama lako sipat kadim Anung awal si kasuda Anung awal si kasuda Basai kidam ke baqa Kekal nonda masa rusak Bua nonda masa rusak Beling nongka kenang sipat Anung telas nonda mate Anung telas nonda mate Jina no putes tu angan Goyo turen mo pamendi Melok po ampo ya pendi Bosan batin ya saneja Ulen po nongka to nangko

SEMPU NO JANGI No gampang tu tunung linung Lamin nongka tu samate Dadi bisa dalam tana No gampang tu denung untung Lamin no tutu ke ate Dadi dosa ko parana Parana kaku ta danang Olo diri leng tenga let Na layar lamin badua Lamin badua pamikir Sanyata gama leng bosan  Lema na belo ku asa Tempu ai lapan lompa Nongka roa tu marau Goyo po batu rua na Sempu sai langan bapak Nongka roa pendi aku Goyo po tau rua na Ku mangan bulan puasa tari jira ku sambayang Tu barema lalo ngaji Lamin ku angan biasa Maras ka tu saling sayang Nongka ku sangka no jangi

PENDI GAMA NA Ku balangan luler tampar Taria umak tampo ne Do intan pendi ku gama Lamin no pendi leng siya Ba me pola ku rua na Tenrang belo mo ku ngineng Aku tu ngineng kaka e Ku tunung pagalang rara Maning gayong ai mata Ai mata ku ta intan Tenri ko umak let rea Tutu gama siya pendi Siya umak penri sisi Tutu ke pendi nantate Na ngineng danang leng tampar

BOLA Belo arap ku ko andi Belo ola ka basanga Ate ta no ku to jangka Genras ka ku olo arap Gawe tutu ya mu pendi Tuna balong mu nan bola Lalo mo andi ku balong Kau tu dua pamikir Ya tu keme mo bagian Lalo mo balong badua Turet jolo ano asar Selam no monda ku gita Luk bola lampa pakarap Ka ku datang bawa mengas Pamalas ungkap batangkap

BARODAK Ngungku ayam poto subu Tangko leng rantok sanentek Tentu mo ampa pang untung Rembang rantok tu sanentek Tanda ya bada barodak Nyambet tangis bahagia Ratep sarakal ke doa Iring odak medo bura Liuk mo ke dila malam Keyo kiri dila malam Mara paliuk tu tawap Tu tunas kerik salamat Selin ke sate salamat Odak medo puti kuning Bacaya manra bulan les

LALO NO RAMALIK Gila we mega no rawi Ngawang lalo no ramalik Sijar mo jangi nanta na Andi lalo no ramalik Bilen mo aku salingong Rusak ate nonda medo Ate rusak nonda medo Dede leng ai ngarebas Tu nongka rasa gaok si Bajangi dua tu nanta na Pariri diri ya kompal Ajal datang saling bilen Leng genras mo ka ku arap Long andi bilen dunia Kareng ku sabar bae mo

NONDA PANESAL Ta rasa ampa intan e Ate kagasung tenga let Dapat leng tampar renduk mo Bua ku renduk kaka e Nonda panesal ko jangi Pang sia neja bolat leng Ka leng sia si kaka e Lamin langan rea yandi Pasuk sampanang kuda po Lalo mo kaka lalo mo lamin ada sia tumpan Tu alis ate manra ku Ka ku pendi sia kaka Telas nungal melasakan Gawe ya maris tu riam

ANGAN BIASA Batu ka pang kamantel ne Ka po belo ka ku totang Goyo dana balong andi Dana balong mu andi e Nonda dengan ku santaning Ke bulan kane no selam Mana si leng selam bulan Tangko leng caya ano les No liper ku totang andi Benru datang mo panotang Mana leng muntu ku mangan Ku tokal renduk basungu Bua ku renduk basungu Ku angan pola biasa Sapolak kakan barema